ARS Toronto Roubina Chapter Visit with St Mary’s Church

 

 

 

 

 

 

 

 

 

 

 

 

 

 

 

 

 

 

 

ԵԿԵՂԵՑՒՈՅ ԱՅՑԵԼՈՒԹԻՒՆ

 

Կիրակի, 20 Մարտ 2022-ին, Գանատայի Հայոց Թեմի Բարեջան Առաջնորդ Գերաշնորհ՝ Տ․Բաբգէն Ս․Արք․ Չարեան հովական այցելութեամբ ներկայ էր Թորոնթոյի Հայց․Առաքելական Ս․Աստուածածին եկեղեցի։Սոյն առիթը հարմար նկատելով Թորոնթոյի ՀՕՄ-ի «ՌՈՒԲԻՆԱ» մասնաճիւղի վարչութիւնը նախօրոք առնուած ժամադրութեան համաձայն հանդիպում ունեցան և շնորհակալութիւն յայտնեցին Առաջնորդ Սրբազան Հօր և Եկեղեցւոյ հովիւներուն՝ Հայր Վարդան Թաշճեանի, Տ․Տաթեւ քհն․ Միքայէլեանի և Յակոբ Աբղ․ Եագուպեանի, որ կ՛ընկերանար Սրբազան Հօր , ինչպէս նաև հոգաբարձութեանոր սատար հանդիսացած և ներկայ գտնուած էին մասնաճիւղի կազմակերպած «Երուսաղէմի և Յորդանանի» հայոց նուիրուած Տոհմիկ Օրուայ ձեռնարկին։

Այս առթիւ Առաջնորդ Սրբազան Հայրը և Եկեղեցւոյ Հովիւները պատրաստակամութիւն յայտնեցին համագործակցութեան, այժմ որ համաճարակը հասաւ իր աւարտին։

Աւարտին, «ՌՈՒԲԻՆԱ» մասնաճիւղի վարչութիւնը Առաջնորդ Սրբազան Հօր Եպիսկոպոսական Պանակէ մը նուիրեց, իսկ Եկեղեցւոյ քառասուն փոքր կանթեղներ և մէկ մեծ կանթեղ՝ Սրբոց Քառասնից Մանկանց Տօնին առիթով, որ կը զուգադիպի 27 Մարտ, 2022-ին ։ Կանթեղները յատուկ դասաւորումով բերուած էին Երուսաղեմէն։

Հանդիպումը փոխադարձ սիրոյ և յարքանքով հասաւ իր աւարտին Սրբազան Հօր Պահպանիչով։

    back